Сумын ИТХТэргүүлэгчдийн 2015 оны 8-р хурлаар Тэргүүлэгчид сумын төвийн айл өрхүүдээр орж ажил байдалтай танилцах, санал хүсэлтийг сонсох, хийсэн ажлаа танилцуулах зорилгоор байр хорооллуудыг хуваарилж авсан билээ. Бид хөдөөгийн өрхүүдээр удаа дараа явдаг боловч сумын төвийн өрхүүдээр нэг бүрчлэн явж иргэдтэй уулздаггүй учир ажлын хэсэг гарган ажиллаж байна. Иргэд сонгогчид та бүхэн ИТХ-ын хуралдаанаар хэлэлцэх асуудал болон Сумын Засаг даргын 2016 оны үндсэн чиглэлд тусгуулах санал, бусад ажлын талаар санал санаачилга, үзэл бодлоо чөлөөтэй илэрхийлэхийг уриалж байна.