Манлай сумын 15-р Цэцэрлэг нь сар бүр бүх бүлгүүддээ "Сайн хичээл"-ийг зохион байгуулж багш нар СӨБ-ын Цөм хөтөлбөрийн үйл явц, цаашид анхаарч ажиллах, авч хэрэгжүүлэх арга туршлагаа солилцож хэвшсэн билээ. Энэ удаагийн "Сайн хичээл" нь 4-р сарын 21-ний өдрийн 10-12 цагийн хооронд бүх бүлгүүдэд зохион байгуулагдсан бөгөөд энэхүү хичээлтэй сумын удирдлагууд танилцлаа. Мөн Засаг даргын орлогч сумын ХАБЭАЗөвлөлөөс гаргасан "Бяцхан үрсээ ахуйн ослоос урьдчилан сэргийлье" зурагт хуудсыг цэцэрлэгийн хамт олонд гардууллаа.
Бяцхан үрсийнхээ хөгжлийн төлөө хөдөлмөрлөн буй багш нарын маань амьдрал ажил үйлс нь хүүхдийн инээд адил гэгээн байх болтугай.