Айл өрхүүд хогоо хашаандаа ил задгай байлгах эсвэл гялгар уутанд хадгалах, хогийн сав нь элэгдэж муудсанаас ачихад хүндрэл үүсдэг учир сумын айл өрхүүд , ААНБ-г хог хаягдал хадгалах савтай болгох зорилгоор сумын ЗДТГазар , УЗАШХороо хамтран Оюу-Толгой ХХК-д хүсэлт гаргаж улмаар тус компаниас 171 ш пошки авчирч ард иргэдэд олголоо.

Хог ачиж тээвэрлэх эрх бүхий Манлайн бадрах ОНӨААТҮГазраас хог хадгалах савгүй өрхийн судалгааг авч нэн тэргүүнд тэдгээр өрхөд олгосон байна.

Ийнхүү хог хадгалах савтай болсноор очны эрүүл ахуй сайжрах, хаврын салхи шуурганд хог бутрахгүй цэвэр орчин бүрдээд нөлөөлж байгаа юм.
Энэхүү савыг зөвхөн хог хаягдал хадгалах зориулалтаар ашиглах , тагийг авахдаа хөдөлмөр хамгааллын дүрэм баримталж ажиллах талаар зөвлөмжийг байгаль орчны байцаагч ард иргэдэд зөвлөж ажиллалаа.